|
Institutiones ad Baccalaureatum Artium (BA), Magisterium Artium (MA) et Philosophiae Doctoratum (PhD) pertinentes Britannice
| Archaeologia |
PhD |
| Ars communicandi |
PhD |
| Ars comparationis litterariae |
PhD |
Ars docendi peregrinos linguam Britannicam
|
BA, MA, PhD |
| Ethnologia |
PhD |
| Lingua et litterae Britannicae |
BA, MA, PhD |
| Philosophia |
PhD |
| Res gestae |
PhD |
| Res gestae artium |
PhD |
| Romanticismus |
PhD |
| Studia antiquitatum Graecorum et Romanorum |
PhD |
| Studia orientalia |
PhD |
Institutiones ad Baccalaureatum Artium (BA), Magisterium Artium (MA) et Philosophiae Doctoratum (PhD) pertinentes aliis linguis
| Lingua et Litterae Francogallicae (Francogallice) |
BA, MA, PhD |
| Lingua et Litterae Germanicae (Germanice) |
BA, MA, PhD |
| Lingua et Litterae Hungaricae (Hungarice) |
BA, MA, PhD |
| Lingua et Litterae Russicae (Russice) |
BA, MA, PhD |
| Linguae Slavicae |
PhD |
Institutiones et cursus studiorum extra curriculum
Institutiones praeparatoriae ad studia universitaria
In quibusdam institutionibus cursus studiorum praeparatorii habentur iis discipulis, qui aliter ad studia baccalaureatus aggredi nequeant. Condiciones admittendi ad hos cursus eaedem sunt atque ad institutiones baccalaureatus. Curriculum cursuum praeparatoriorum constat ex studiis ad ipsam institutionem pertinentibus. Si quis studia praeparatoria feliciter peregerit, de hac re testimonium scriptum accipiet, quo etiam ad studia baccalaureatus admittitur.
De ea re, habeaturne cursus praeparatorius, cuiusve modi curriculum contineat, vide cuiusque institutionis descriptionem.
In Instituto Docendis Linguis Alienis, quod pars est Universitatis nostrae, cursus habentur praeparatorii linguae Britannicae atque etiam linguae cultusque Hungarici iis alumnis peregrinis, qui in Universitate nostra discere volunt, nec satis Britannice aut Hungarice sciunt ad studia statim incipienda, vel emolumentum amplius in his linguis facere cupiunt.
Perlege situm retis www.itk.hu omnia nosse volens.
Cursus studiorum breves et series seminariorum
Cursus breves extra curriculum seriesque seminariorum variae singula aut bina semenstria complectentes in plerisque institutionibus habentur. Si qui hos cursus feliciter peregerint, de hac re testimonium scriptum accipient. (Si quid amplius scire vis, quaere secretarium cuiusque institutionis.)
Quid de cursibus studiorum sciri oporteat
De diplomatibus et testimoniis scriptis
DIPLOMATA graduum BA et MA et PhD dantur iis discipulis, qui quandam institutionem studiorum feliciter peregerunt, numero creditorum postulatorum conquisito atque opusculo ad eum gradum recipiendum conscripto defensoque.
TESTIMONIA SCRIPTA dantur iis discipulis, qui seriem seminariorum aut cursum studiorum brevem peregerunt. Si cui cursui credita assignata sunt, testimonium accipi non potest nisi illo numero creditorum conquisito.
De creditis accipiendis vide cuiusque institutionis descriptionem.
Pretia sumptusque
De pretiis discendi
| Fastigium |
Pretium discendi (EUR singulis semenstribus) |
| Cursus praeparatorius |
1500-2500 |
| BA |
2000-4500 |
| MA |
2500-5000 |
| PhD |
3000-5500 |
Quod ad pretia addita, ad viam partis pretii recipiendae et ad modum expendendi pertinet, vide situm retis cuiusque institutionis.
De sumptibus discendi (EUR)
| Libri: |
circiter 400-800 singulis annis |
| Cautio periculi valetudinis: |
circiter 60 singulis mensibus |
| Conductio domicilii sine sumptibus usus: |
circiter 200-500 singulis mensibus |
| Sumptus utendi domicilii: |
circiter 200 singulis mensibus |
Quomodo coeperis in Hungaria vitam alumnorum vivere
De syngraphis et diplomatibus liberi commeatus in Hungariam
Aggredientes et discipulos in Hungariam venire oportet cum syngrapho duos amplius annos valido. Si quis extra Unionem Europaeam vivit, ab eo diploma quoque liberi commeatus in Hungariam postulatur. Hoc diploma discipulis post epistulam recipiendi de Universitate acceptam poscendum est apud Legationem aut Consulatum Hungaricum suae cuique terrae.
De venia commorandi
Discipulis ex omnibus terris atque etiam ex Unione Europaea venientibus poscenda est venia commorandi apud Sedem Immigrandi et Nationalitatis Hungaricam.
De cautione periculi valetudinis
Pretium discendi cautionem periculi valetudinis non continet. Ad nomen dandum cautio omnium periculorum valetudinis primi gradus habenda est, quae si in Hungaria emitur, constat circiter 60 Euronibus singulis mensibus.
De tessera discipulorum
Unicuique discipulo, qui nomen dedit, tessera discipulorum datur, qua vehiculis publicis, museis, bibliothecis, piscinis similibusque institutis Hungaricis vilius uti potest.
De domicilio
Discipulorum est, ut domicilium sibi conducant. Utile est, ut quisque iam prius quam domo proficiscatur, locum hic conducet, ubi nonnullos dies vivere possit, donec aptum domicilium sibi inveniat. Domicilium conductum constat de 200 usque ad 500 Euronibus singulis mensibus sine sumptibus usus. Conclavia duobus hominibus parata nonnulla conduci possunt in deversoriis universitariis 160 Euronibus singulis mensibus cum sumptu utendi.
Quem adeas
József Bíró
Legatus discipulorum peregrinorum Universitatis Scientiarum Budapestinensis de Rolando Eötvös nominatae
1088 Budapest
Múzeum krt. 4/A
Hungaria
Numerus telephonicus: +36 1-411 6700 / 5485
Numerus telefacis: +36 1-485 5229
Directio cursorii electronici: arts@ludens.elte.hu |
